රාජ්‍ය අමාත්‍ය ප්රසන්න රණවීර මහතා විසින් ශ්රී ලංකා පොදුජන පෙරමුණේ ප්‍රධාන ලේකම් සාගර කාරියවසම් මහතාට පරුෂ වචනයෙන් බැන වැදී තිබේ.
ඊයේ දිනයේ ඔහු මෙසේ පවසා ඇත්තේ පාර්ලිමේන්තුවේ කෝපා කමිටුවෙන් ඉවත් කිරීම සම්බන්ධයෙන් කෝපයට පත් වීමෙනි.
අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පවත්වන ලද ආණ්ඩු පක්ෂ මන්ත්‍රී කණ්ඩායම් රැස්වීම අවසානයේදී මෙම ගැටුම සිදුව ඇත.
එම කමිටුවෙන් තමන් ඉවත් කළේ මන්දැයි රාජ්‍ය අමාත්‍යවරයා විමසූවිට මහ ලේකම්වරයා පවසා ඇත්තේ එය අග්‍රාමාත්‍ය තුමා ගෙන් අසා දැන ගන්නා ලෙසයි.
‘ප්‍රශ්න ඇතිකරගන්න අවශ්‍ය නෑ. ආණ්ඩුව රැකගන්න ඕනි. දේශපාලන ප්‍රශන ඇති කරන්න එපා. මම ඉවත් කළේ ඇයි කියලා අම්මට …… කියපන්’ යයි කියමින් රාජ්‍ය ඇමතිවරයා බැණ වැදී ඇත.
