මෙවර ලෝක කුසලාන පාපන්දු තරගාවලියෙන් සත්කාරක කටාර් රාජ්‍යයට ඉවත් වීමට සිදුවිය. ඒ කටාර් රාජ්‍ය ක්‍රීඩා කළ දෙවන තරගය ඊයේ(25) පරාජය වීම හේතුවෙනි.
සත්කාරක කටාර් රාජ්‍ය සහ සෙනගාලය අතර තරගය පැවැත්වුණේ, කටාර් හි අල් තුමානා ක්‍රීඩාංගණයේ දීය. ‘ඒ’ කාණ්ඩය යටතේ තරගය පැවැත්වුණි.
කටාර් රාජ්‍යය, සෙනගාලය හමුවේ ගෝල 3-1 ක පරාජයක් ලැබීය.
ලෝක කුසලාන පාපන්දු තරගාවලිය ආරම්භ කරමින් පැවැති ප්‍රථම තරගයේ දී කටාර් රාජ්‍ය පරාජයට පත්වුයේ ඉක්වදෝරය හමුවේය. ඒ අනුව මෙවර පාපන්දු ලෝක කුසලානයෙන් ඉවත් වූ ප්‍රථම කණ්ඩායම බවට සත්කාරක කටාර් රාජ්‍යය පත්වුණි.
